Məscid 2009-cu ilin avqustunda istifadəyə verilib. Şərurda yeni məscidin tikilməsində məqsəd ondan ibarətdir ki, bu ibadətgah insanların mənəviyyatının yüksəlməsinə xidmət etsin, “Qurani-Kərim”in xurafatdan uzaq təbliğ edilməsi işini yerinə yetirə bilsin. Məscid zirzəmi ilə birlikdə 3 mərtəbədən ibarətdir. Binanın zirzəmisində yas mərasimlərinin keçirilməsi, ehsan verilməsi üçün 2 salon, 2 mətbəx yaradılıb. Salonlar yeni mebellə, mətbəx avadanlığı ilə təchiz edilib. Məscidin tamamlayıcı dekorativ elementlərinin və gümbəzlərinin üstü, minarələrin başı qurğuşun və latunla işlənib. Hündürlüyü 30 metr olan minarələrdə səsləndirmə, gecə işıqlandırma sistemi quraşdırılıb.

http://www.islamtimes.org/vdcb88b8.rhbg9putur.html