Yeni Suraxanı qəsəbəsi cümə məscidi - Məscid Bakının Yeni Suraxanı qəsəbəsindədir. Bünövrəsi 1992-ci ildə qoyulub. Həyətyanı sahəsi 2000 kv.metr, əsas ibadət zalının sahəsi 14x14 metrdir. Məscid mişar daşlarından tikilərək yonulmuş üzlük daşlarla üzlənib. Minarəsi (hündürlüyü təqribən 25 metrdən çoxdur) də mişar daşından hörülüb və üzlənib. Məscidin layihəsi Azərbaycan Dövlət Layihə institutu tərəfindən hazırlanıb. Məscid kənd ağsaqqallarının təşəbbüsü və camaatın vəsaiti hesabına tikilib. Buradakı inşaat işləri müxtəlif tikinti təşkilatları tərəfindən həyata keçirilib, iş icraçısı isə usta İbrahimov olub.

Azərbaycan Respublikası məscidlərinin ensiklopediyası