İlxıçı kənd məscidi - Məscid Xaçmaz rayonunun ilxıçı kəndində tikilib. Hicri-qəməri tarixi ilə 1343 - cü ildə inşa edilib. Həyətyanı sahəsi 300 kv.metr, iç sahəsi 10x7 metrdir. İlxıçı kənd məscidi düzbucaqlı formadadır və damının örtüyü şiferlə örtülüb. Günbəzi dördguşəlidir və dəmir təbəqə ilə işlənib. Günbəzin hər bir guşəsində bir ədəd taxta pəncərə qoyulub. Məscidin ön tərəfində açıqşəkilli eyvan yerləşib. Əsas ibadət zalı iki hissəyə bölünüb: qadınlar və kişilər şöbəsi. Döşəmədən günbəzədək hündürlüyü 12 metrdir. Döşəmə və tavan taxtadandır. Həyətyanı sahəsi hasara alınıb. Məscid kənd sakini Mirzəbala Mirzə oğlu tərəfindən tikilib. Sovetlər dövründə anbar kimi istifadə edilib.

Azərbaycan Məscidlərinin ensiklopediyası