Məscid Culfa rayonunun Bənəniyar kəndində tikilib. Ümumi sahəsi 11x20 metr, hündürlüyü isə 5 metrdir. Bənəniyar məscidinin tarixi XIX əsrin əvvəllərinə aiddir. 1905-ci ildə ermənilər tərəfindən yandırılıb. Sonralar məsciddə təmir işləri aparılıb. 1987-ci ildə yerli sakin İbrahim Nuriyevin təşəbbüsü və kənd camaatının vəsaiti hesabına yeni məscidin tikintisinə başlanmışdır. 1997-ci ildə tikintinin xeyli hissəsi başa çatmışdır. İki mərtəbədən ibarət olan bu məscid hal-hazırda istifadəyə verilmişdir. Hazırkı məscidin yerdən tavana qədər hündurlüyü 9 metr, yerdən günbəzədək hündürlüyü isə 15 metrdir. İç sahəsi isə 40x20 metrdir. Məscidin ikinci mərtəbəsi qadınlar üçün nəzərdə tutulub. Buranın sahəsi 15x10 metrdir. Məscidin günbəzinin iç tərəfində "Allah, Məhəmməd, Əli, Fatimə, Həsən. Hüseyn" sözləri, bir qədər aşağıda isə "La ilahə İlləllah, Məhəmmədən Rəsulallah" sözləri yazılmışdır.

Azərbaycan Respublikası məscidlərinin ensiklopediyası