Məscid Bilgəh kəndində yerləşir. İnşa tarixi XIX əsrə aiddir. Həyətyanı sahəsi 600 m2, iç sahəsi 15x4 metrdir. Yuxarı məscid düzbucaqlı formadadır. Divarlarının qalınlığı 80 sm-dir. Məscidin interyeri, eləcə də günbəzi sadə konstruksiyaya malikdir. Günbəz iki tağ üzərində dayanıb. Diametri 4 metrdir. Yerdən tavanadək hündürlüyü 3,5 metr, yerdən günbəzədək isə 6 metrdir. Günbəzdə üç pəncərə qoyulub. Məscidin içəri hissəsi iki yerə - kişilər və qadınlar şöbəsinə bölünüb. Qadınlar şöbəsinin sahəsi 4x4 metrdir (16 m2). Məscidin əsas giriş qapısının üstündə daş kitabə həkk olunub. Daş kitabədə hicri-qəməri təqvimi ilə 1323-cü il, məscidin ön divarlarına vurulmuş dəmir lövhədə isə XIX əsr abidəsi olduğu göstərilib.