Maşxan kənd məscidi - Məscid Astara rayonunun Maşxan kəndində tikilib. İnşa tarixi 1885-ci ilə aiddir. Həyətyanı sahəsi 200 kv.metr, iç sahəsi 15x7 metrdir. Düzbucaqlı formadadır və bişmiş kərpicdən tikilib. Damı kirəmitlə örtülüb. Mehrabı çox sadə formaya malikdir. Tavan taxta ilə işlənib və üç taxta sütun üzərində dayanıb. Məscid iki şöbəyə-qadınlar və kişilər şöbəsinə ayrılıb. Giriş qapılarının sayı ikidir. Məscidin beş pəncərəsi var. Qapı və pəncərələr tağvari formadadır. Günbəzin hündürlüyü 2 metrdir və taxta ilə işlənib. Məscid hündürlüyü 1,5 metr olan səki üzərində yerləşib. Sovetlər dövründə bura anbar kimi istifadə olunub. 1989-cu ildə məsciddə təmir-bərpa işləri aparılıb.

Azərbaycan Respublikası məscidlərinin ensiklopediyası