Milli Olimpiya2001-ci il martın 27-də Azərbaycan Respublikası Milli Olimpiya Komitəsinin baş inzibati binasında yerləşən Olimpiya muzeyinin açılışı oldu. "Olimpiya" muzeyinin Azərbaycan Olimpiya Hərəkatının, olimpizmin inkişafında əvəzsiz rolu vardır.Burada eksponatlarm zənginliyi, muzeyin ekspozisiyasma xoş təsir bağışlayır. Eksponatların bir hissəsi, üzərində olimpiya rəmzləri olan müxtəlif suvenirlər, xalçalar, saatlar və sairə bəxşişlərdən ibarətdir. Burada Azərbaycanın adlı-sanlı idmançılarının Olimpiya Oyunlarında, Dünya və Avropa çempionatlarında qazandıqları medallar, fəxri fərmanlar, diplomlar, kuboklar muzeyin ən qiymətli eksponatları kimi qorunub saxlanılır. Olimpiya Oyunlarında, Dünya və Avropa çempionatlarında Azərbaycanı təmsil edən idmançılarımızm idman geyimləri burada rəngarəng bir səhnəni xatırladır. Ekspozisiyadakı idman mövzulu qrafika, yağlı boya ilə işlənmiş əsərlər və heykəltaraşlıq işləri muzeyi daha da zənginləşdirir. Milli Olimpiya Komitəsinin nəşr etdiyi aylıq "Olimpiya" jurnalı, həftəlik "Olimpiya dünyası" qəzetinin bütün nüsxələri Azərbaycan Olimpiya Hərəkatının güzgüsü kimi muzeydə saxlanılır. Muzeyimizdə Beynəlxalq Olimpiya Komitəsinin prezidenti Jak Roq, Avropa Olimpiya Komitəsinin prezidenti Mario Peskante, Avropa Olimpiya Komitəsinin texniki əməkdaşlıq Komissiyasmm sədri xanım Ovinilla Limberq, Dünya və Avropa idman federasiyalarının prezidentləri və digər mötəbər şəxslər olmuşdular.