Hamam 1806-cı ildə Kərbəlayı Həmid Abdulla tərəfindən Astara rayonunun Ərçivan kəndində tikilib. Hamamın üstündə səkkiz günbəz var. Yuxarıdan baxanda səkkiz guşəli ulduz kimi görünür.

Sovet hakimiyyəti dövründə hamam yerli kolxoz tərəfindən işlədilib. Hamamdan əldə olunan vəsait kolxozun əlavə gəliri kimi istifadə olunub. Kolxoz sisteminin ləğvindən sonra hamamı kənd sakinlərindən biri qısa müddətdə işlədib.

Hamam XIX əsrin əvvəllərində yumurta sarısı və adi odun külünün qarışığı ilə tikilib. Hamamın suyu cəmi bir tiyanla qızdırılıb.

Əhalinin həm də ünsiyyət yeri olan Ərçivan hamamı sonuncu dəfə 1980-ci ildə təmir edilib və həmin ilin sonuna kimi yerli əhalinin istifadəsində olub. 2001-ci ilin avqustunda isə Mədəniyyət Nazirliyinin müvafiq qərarı ilə dövlət tərəfindən qorunur.