Saat qülləsi NeftçilərBakının məşhur “Saat qülləsi” hələ ötən əsrin 30-cu illərində “Paraşüt qülləsi” kimi fəaliyyət göstərmişdir. Lakin 60-cı illərdə buradan paraşütlə tullanma dayandırılmışdı. Qüllədən saatın vaxtı, havanın temperaturu və küləyin sürətini göstərən qurğu kimi istifadə edilmişdir. 2012-ci ildə Dənizkənarı Milli Parkda aparılan yenidənqurma işləri zamanı “Saat qülləsi” də bərpa olunmuşdur. Qüllə indi daha müasir görkəmi ilə seçilir. Qüllədə yeni elektron məlumat tablosu quraşdırılıb. Burada hava, rütubət, vaxt, küləyin sürəti kimi məlumatlar əks edilib. Qüllədəki tabloda həmçinin operativ informasiyaları da yerləşdirmək mümkündür.